Enpresa izaera

Sorkuntza berriko enpresa gara, teknologia eta kultur alorrekin elkarreragina sustatu eta beraiei buruzko pentsamoldea eta ulermena aldatzeko asmoz, hauek hiritar eta enpresengana hurbilduz. Egungo lan ereduaren ikuspegi ezberdin xamar baten jabedun, gure bezeroen asebetetzea bermatzera zuzentzen ditugu ahaleginak, jendarte osoarentzat onuragarri diren tresna eta helburuekin garatuz gure proiektuak.

Norbanako erabiltzaile, enpresa eta erakundeak teknologia askez hornitzearen ideiatik abiatzen gara, gure ideiak gauzatzerakoan abantail berdinetaz baliatu gaitezen guztiok. Abiapuntutik hasita, helburu nagusia gure bezeroak teknologia berriak erabiltzeak dakartzan abantailetaz jabetzea da. Hauen artean guifi.net nabarmentzen da, zeinen hedapen eta hobekuntza den gure helburu estrategikoa, bai eta teknologia askeak, lankidetzan oinarritutako eta kalitate profesionaleko lan eredua bermatzen dutenak hornitzailearen aldetik murrizketarik jaso gabe.

Gaueko osatzen dugunok teknologi ingurune ezberdin eta anitzetatik gatoz, baina lanari buruzko ideia berberarekin eta teknologia ta ideiak ulertzeko filosofia berdinarekin. Geografi gune ezberdinetatik gatoz eta errealitateen aurrean dauzkagun ikuspuntuen aniztasunak teknologia berrien egoeraren eta honek auzo globalean duen eraginaren inguruko ikuspegi interesgarria eskeintzen digu. Gure lan, proiektu eta bezeroekiko grinez eta inplikazioz beteriko pertsonak gara.

Gogokoen duguna egiten dugula esateko aukera daukagu, gaur egun, ahuntzaren gauerdiko eztula ez dena...

Kooperatiba gara

Pertsonen elkarte autonomoa, baterako jabetza eta kudeaketa demokratikoa dituen enpresa baten bidez, beren premia eta helburu ekonomiko, sozial eta kulturalak elkarren artean asetzeko beren borondatez elkartuak gara.

Jarraibide edo ildo hauen bidez jartzen ditugu kooperatibaren balioak martxan.

• Lehen printzipioa: Bazkide egitea borondatezkoa eta irekia
• Bigarren printzipioa: Kudeaketa demokratikoa bazkideen aldetik
• Hirugarren printzipioa: Bazkideen parte-hartze ekonomikoa
• Laugarren printzipioa: Burujabetasuna eta beregaintasuna
• Bosgarren printzipioa: Hezkuntza, prestakuntza eta informazioa
• Seigarren printzipioa: Kooperatiben arteko lankidetza
• Zazpigarren printzipioa: Komunitatearekiko interesa

Gure bertuteak:

• Bere buruari laguntzea
• Bere buruaz erantzutea
• Demokrazia
• Berdintasuna
• Zuzentasuna
• Solidaritatea
• Balio etikoak: zintzotasuna, gardentasuna, erantzukizuna eta gizarte-bokazioak

Konpromezu soziala eta elkarlana

Argi daukagu enpresa orok jendarte lana betetzen duela.

Horregaitik aukeratu dugu guifi.net telekomunikazio sare ireki, aske eta neutralaren ezarpen eta mantenua gure zerbitzu nagusi bihurtuz ekitea enpresan.

Gure lan guztia software askea diren lantresnekin burutzen dugu, elkarlana sustatu, erabiltzailearen askatasunak bermatu, produktuaren kalitatea indartu eta lehiakortasun handiko aukera komertzialal bezala aurkezten zaigulako.

Euskaraz zein gaztelaniaz ematen diegu arreta gure gure bezeroei, hurbilagoko tratua eskeiniz, teknologi eta enpresa esparruetan euskararen normalkuntzan parte hartuz eta eguneroko lanari esker hizkuntza aberastuz.

Lankidetza aktiboan ari gara Reciclanet Hezkuntza Elkartea GKE-arekin, non berrerabilpen, birziklatze informatiko eta garapen bideetan dauden herrialdeekin elkarlan programetan parte hartzen ari garen, hauetara software librearekin dabilen material informatikoa bidaltzen delarik haustura digitala gainditzeko asmoz.